Dómari í New York hefur dæmt borgaryfirvöld í New York til að greiða fjölskyldu pilts eina milljón Bandaríkjadala, rúmar 120 milljónir króna, í skaðabætur fyrir að heili piltsins, sem fórst af slysförum, var hafður til sýnis í líkhúsinu.
Ættingjar Jesses Jeromes Shipleys, sautján ára, komust að því fyrir tilviljun að skrifstofa réttarmeinafræðings hafði haldið heila piltsins og öðrum líffærum svo hægt væri að nota líkamshlutana í tilraunaskyni.
Samkvæmt frétt dagblaðsins Staten Island Advance sáu bekkjarfélagar systur Shipleys krukkuna með nafni Jesses þegar þeir voru í skoðunarferð í líkhúsi Richmond-sýslu.
Systirin, sem er 14 ára, hafði verið farþegi í sömu bifreið og bróðir hennar í bílslysinu sem hann lést í tveimur mánuðum áður en upp komst að heilinn hafði ekki verið brenndur með líkinu.