Kjarnorkuflaug í eldflaugarbyrgi. Myndin tengist efni fréttarinnar ekki beint. mbl.is

Uppboðsfyrirtækið Sotheby's býður nú til sölu fjallakofa í New York-ríki í Bandaríkjunum á jafnvirði rúmlega 216 milljóna króna. Það væri ekki í frásögur færandi nema fyrir þá staðreynd að undir kofanum er kjarnorkuflaugabyrgi sem fylgir með í kaupunum.

Eignin er í skóglendi í Adirondack-fjöllum í New York-ríki og lítur út eins og hver annar kofi við fyrstu sýn. Ef slegið er inn lykilorð opnast hins vegar dyr og við blasir stigi sem liggur neðanjarðar að eldflaugarbyrginu.

Búið að breyta eldflaugarstjórnstöðinni í lúxusheimili og þaðan liggja löng göng sem varin eru með nokkrum risastórum eldföstum hlerum niður sjö hæðir af tómu byrginu.

Byrgið var tekið í notkun árið 1961 en var lokað fjórum árum síðar. Hýsti það Atlas-F eldflaugar Bandaríkjahers. Kaupsýslumaðurinn Bruce Francisco keypti það síðar.

Hægt er að sjá myndir af eigninni á vef uppboðsfyrirtækisins.