Katy er ömmustelpa. DANNY MOLOSHOK

Sést hefur til sendiferðabíla á ferð og flugi fyrir utan hús Katy Perry og Russell Brand.

Á miðvikudaginn síðastliðinn voru tveir trukkar lagðir fyrir utan hús þeirra í Hollywood Hills sem keypt var fyrir 6,5 milljón dollara í júní. Þá var þó ekki ljóst hvort verið væri að flytja eigur Katy eða Russell, samkvæmt TMZ.com.

Líkt og kunnugt er sótti Russell Brand um skilnað hinn 30. desember og hefur hann dvalið í heimalandi sínu, England, síðan þá. Á meðan hefur Katy Perry sótt huggun til ömmu sinnar. Heimildamaður sagði dagblaðinu Daily Star svo frá: „Katy keyrði til Santa Barbara til að verja tíma með sínum uppáhaldseinstaklingi. Þær eru gríðarlega nánar. Katy hleypur alltaf til ömmu sinnar þegar hún er í vanda.“ Einnig fylgir sögunni að til að hugga hana búi amman til uppáhaldssalatið hennar Katy sem inniheldur meðal annars ananas og rauðrófur.