Hertogaynjan Cover Media

Á sunnudagskvöld lögðu William prins og kona hans, Catherine Middleton, leið sína á frumsýningu nýjustu myndar Steven Spielberg, War Horse, í London.

Steven var yfir sig ánægður með að konungsfólkið skyldi láta sjá sig en kunni þó illa við að trufla Catherine þegar hún hóf að fella tár yfir myndinni. "Ég sat við hlið hennar og tók eftir því þegar kona mín rétti Catherine Kleenex-þurrku," sagði Spielberg við BBC Breakfast.

"Mér var illa við að trufla upplifun hennar og passaði mig því á því að gjóa ekki augunum á hana. Það er eitthvað sem segir mér að myndin hafi snert við henni."

Frumsýningin í London var góðgerðarsýning þar sem allur ágóðinn rennur til breska heraflans. 300.000 pund söfnuðust í það heila en 30 einstaklingar borguðu 10.000 pund til að komast á rauða dregilinn.