Frá miðborg Hiroshima.

Lögreglan í Hiroshima í Japan gerir nú dauðaleit að fanga sem sat af sér 23 ára dóm fyrir morðtilraun. Honum tókst að sleppa úr fangelsinu í gær, á nærbuxunum einum fata. Þetta er fyrsti fanginn til að strjúka úr japönsku fangelsi í yfir 20 ár.

Að sögn yfirvalda var fanginn, Li Guolin, að stunda líkamsrækt í fangelsisgarðinum þegar hann reif sig skyndilega úr fangabúningnum og notaði vinnupalla sem viðgerðarmenn höfðu reist til að klifra yfir 5 metra háa girðingu umhverfis garðinn. Fangavörður sem varð vitni að flóttanum sagði að Lig hefði „dottið á rassinn og svo snúið sér við og hlaupið burt á miklum hraða".

Flóttatilraunir fanga eru afar fátíðar í Japan og hefur það ekki gerst síðan 1990 þegar unglingur flúði af upptökuheimili. Li er nú eftirlýstur í Japan.