Könguló - mynd úr safni

Þýska lögreglan var kölluð út í norðurhluta landsins í morgun vegna þess að öryggiskerfi bankans fór í gang áður en bankinn opnaði. Í ljós kom að innbrotsþjófurinn var pínulítil áttfætt könguló.

Innbrotþjófurinn kom þó ekki í ljós fyrr en eftir talsverða leit með aðstoð öryggisvarða. Kom í ljós að köngulóin hafði skriðið yfir skynjara í öryggiskerfi bankans.

Gerði lögreglan stólpagrín að útkallinu og sagðist hafa sleppt innbrotsþjófnum eftir yfirheyrslu.