Halle Berry mun ekki faðma Richard Franco í bráð. mbl.is/Cover Media

Eltihrellir Halle Berry hefur verið dæmdur í 386 daga fangelsi.

Richard Franco var handtekinn í júlí síðastliðnum í kjölfar þess að hann var gómaður af öryggisvörðum leikkonunnar inni á einkalóð hennar í Hollywood. Hann hefur nú náð samningum við saksóknara með því að játa á sig glæpinn gegn því að ákæra um innbrot sé felld niður.

Franco hefur nú þegar setið inni í 193 daga svo hann þarf eingöngu að sitja á bak við lás og slá í 193 daga til viðbótar.

Samkvæmt heimildum slúðursíðunnar TMZ.com verður Franco á skilorði í 5 ár eftir að hann hefur tekið út fangavistina og þá þarf hann að sæta geðræna meðferð í 1 ár.

Dómari málsins framlengdi einnig nálgunarbannið á Franco sem átti að vera til þriggja ára og nú þarf Franco að halda sig í að minnsta kosti 180 metrum frá leikkonunni og þriggja ára dóttur hennar, Nahla, næstu 10 árin.

Franco var gómaður þrisvar sinnum á þremur dögum á heimili Berry og í eitt skiptanna hafði hann brotist inn í gestahús leikkonunnar.

Einnig var hann uppvís að því að njósna um Berry í gegnum eldhúshurðina en það varð til þess að hún hringdi á lögregluna.