Skærin sáust vel á röntgenmynd.

Ótrúleg sjón blasti við læknum á sjúkrahúsi á Las Palmas á Kanaríeyjum þegar þeir skoðuðu röntgenmynd af sjúklingi sem kvartaði undan magaverk. Hann var með tvenn skæri i kviðarholinu sem læknar höfðu gleymt í honum.

Sjúklingurinn, sem er 37 ára gamall maður af kínverskum ættum, hafði farið í aðgerð á einkasjúkrahúsi á Kanarí. Hann leitaði til heilsugæslustöðvar á Las Palmas 10 dögum síðar vegna mikilla verkja í kviðarholi. Við rannsókn kom í ljós að hann var með tvenn 15 cm löng skæri, eða tangir í kviðarholinu. Þeim hafði læknir sem skar hann upp gleymt þegar hann saumaði hann saman.

Það er ekki óþekkt að læknar gleymi aðskotahlutum í kviðarholi sjúklings.