Kjúklinganaggar.

Læknar hafa varað hina 17 gömlu Stacey Irvine við að mataræði hennar muni ganga af henni dauðri en hún hefur borðað fátt annað en kjúklinganagga síðastliðin 15 ár. Stacey var nýlega lögð inn á spítala vegna einkenna sem rekja má til fábreyttra máltíða hennar.

Stacey hefur verið hálfpartinn háð kjúklinganöggum frá því að móðir hennar keypti þá fyrst handa henni á McDonald's þegar hún var tveggja ára gömul. Hún borðar hvorki ávexti né grænmeti og eyðir frístundum sínum á McDonald's, þar sem hún pantar 20 nagga handa sér og kærasta sínum.

En stúlkan unga, sem býr í Birmingham á Englandi, stríðir við öndunarerfiðleika, blóðleysi og var nýlega lögð inn á spítala vegna bólginna æða í tungu. „Ég er að byrja að átta mig á því að þetta er ekki hollt fyrir mig,“ sagði Irvine í samtali við Daily Mail.

Á vefsvæði Huffington Post má finna áhugaverðan lista yfir þær fæðutegundir sem fólk hefur einskorðað sig við, ýmist vegna þess að það er háð þeim, vill grennast eða bara til að sjá hvað gerist.