Katherine Heigl. AP

Katherine Heigl er áhyggjulaus þegar kemur að mat og hún gerir ekkert skemmtilegra en fara út að borða. Leikkonan kveðst vera löt að elda og borða oftar en ekki á veitingastöðum. Hún fær sér það sem hana langar mest í hverju sinni og telur aldrei hitaeiningarnar.

Í viðtali við New York Post segist Heigl stunda líkamsrækt til að halda sér í góðu formi en njóta þess að gera vel við sig í mat, sérstaklega á milli kvikmyndaverkefna. „Ég elska að fara út að borða, sérstaklega í New York því veitingastaðirnir þar eru þeir albestu,“ segir leikkonan. „Ég get ekki lifað af því að borða bara salat, ég þarf meiri mat. Aðalatriðið er að passa upp á skammtastærðirnar og borða ekki of mikið.“