Tónlistarmaðurinn og allra handa músíkmógúllinn Sigtryggur Baldursson gerði víðreist á síðasta ári í ýmiss konar skilningi. Ekki nóg með að hann stýrði hinum farsælu þáttum Hljómskálinn á RÚV (sem framhald verður á í ár) heldur var hann gerður að framkvæmdastjóra ÚTÓN, Útflutningsstofu íslenskrar tónlistar.

Arnar Eggert Thoroddsen, umsjónarmaður Tónlistarstundar, ákvað að slá á þráðinn til Sigtryggs af tilefninu og er þetta í fyrsta skipti sem þessir tveir
tónlistarþáttastjórnendur mætast á þeim vettvangi.