Snákur. Hann tengist þó fréttinni ekki beint.

„Ég var að gera mjólkina hans klára þegar ég leit upp og sá hann með snákinn í munninum,“ sagði Ghadir Aleeyan við fjölmiðla en rétt rúmlega eins árs sonur hennar nagaði um þrjátíu sentímetra snák til dauða fyrir liðna helgi. „Ég öskraði og trúði ekki mínum eigin augum.“

Hvítvoðungurinn sem býr ásamt fjölskyldu sinni í bænum Shefa'Amr, skammt frá hafnarborginni Haifa í Ísrael, slapp ómeiddur og án þess að snákurinn biti hann. Læknar staðfestu við fjölskylduna að um væri að ræða afar eitraða tegund.

Talið er að snákurinn hafi ekki bitið barnið vegna þess að fremur kalt var í veðri, og að snákar séu mun hættuminni yfir vetrartímann.