Katrín, hertogaynja af Cambridge og eiginkona Vilhjálms prins, mun ekki vera einmana þegar Vilhjálmur heldur til starfa á Falklandseyjum innan tíðar. Hjónin hafa nefnilega nýlega fengið sér hvolp sem mun halda hertogaynjunni félagsskap.

Vilhjálmur mun vera á Falklandseyjum í sex vikur, en hann starfar sem þyrluflugmaður í  konunglega flughernum.

Talsmaður konungsfjölskyldunnar segir að hvolpurinn sé af Cocker Spaniel-kyni, hann sé nokkurra mánaða gamall og að hann eigi ættir sínar að rekja til hunds í eigu móður Katrínar.