Íslenskar kindur er kannski rólegri en þær rússnesku. Ær með lamb í Arnarfirði mbl.is/Ómar

Myndband frá Rússlandi af fjárhópi að hlaupa í kringum bíl hefur vakið eftirtekt á netinu.

Myndskeiðið er örstutt, aðeins 22 sekúndur, en þó ná kindurnar að hlaupa í marga hringi á þeim tíma.

Myndbandið er tekið upp á farsíma og þar sést að bílstjórinn þeytir bílflautuna stöðugt á meðan fjárhópur umkringir bílinn og hleypur svo hring eftir hring eins og hann eigi lífið að leysa.

Sá sem setur myndbandið á YouTube skrifar að atburðurinn hlægilegi hafi átt sér stað í Kákasushéraði.