Eva Green með Daniel Craig. STRINGERITALY

Eva Green var kvíðin fyrir upptökur á ástarsenur með Ewan McGregor.

Leikkonan leikur á móti skoska sjarmörnum í stórmyndinni Perfect Sense. Hún hrósaði honum fyrir hve umburðarlyndur hann var og hvernig hann hjálpaði henni að slaka á fyrir framan myndavélina.

Green sagði að ásamt því að vera frábær leikari bæri Ewan eiginleika sem aðskildi hann frá öðrum leikurum.

„Hann vissi að ég væri kvíðin og var algjör herramaður. Hann var vanur að segja: „Langar þig að koma með mér í kvöldmat?“ Við vorum heppin að við höfðum viku til þess að æfa okkur áður en tökurnar hófust svo við kynntumst hvort öðru vel,“ sagði Eva í samtali við New York Post.

„Hann er falleg og góð manneskja. Það er eitthvað mjög sérstakt við hann. Ég er alltof lokuð sjálf svo við bættum hvort annað upp.“

Fyrrum Bond-stúlkan ræddi einnig framtíð sína í leiklist. Hún sagðist vilja komast í meira krefjandi hlutverk til að forðast það að leika sömu týpurnar aftur og aftur.

„Ég sagði við vinkonu mína að mig langaði að leika ræstingarkonu næst. Eitthvað gróft og hrátt. Ég vil ekki vera fáguð og falleg kona aftur heldur einhver tættari kona, kannski í fangelsi. Ég vil klárlega forðast það að festast í ákveðinni tegund af hlutverkum.“