Ryan Reynolds. mbl.is/Cover Media

Ryan Reynold segist bara muna eftir því að skella á einhverju "stóru, dökku og dýru" sem olli því að Denzel Washington fékk glóðarauga.

Ryan leikur með Denzel í væntanlegri hasarmynd sem ber nafnið Safe House. Upptökur myndarinnar kröfðust mikillar orku og hasars og gengu þær ekki snurðulaust fyrir sig. Ofbeldisfullt bílaatriði endaði með því að Ryan gaf Denzel glóðarauga.

"Við vorum í mjög æstum slagsmálum í bíl og við vorum eiginlega út um allt," sagði Ryan í viðtali við BBC Breakfast.

"Ég fann þegar hausinn á mér skall á einhverju stóru, dökku og dýru. Það var skelfilegt."

Þegar leikarinn var spurður hvort höggið hafi verið viljandi svaraði hann í léttum tón: "Engum líkar við bílstjórann í aftursætinu."

Ryan var yfir sig hrifinn yfir því að fá að vinna með Hollywood-goðsögninni, Denzel Washington. Ryan, sem er 35 ára, sá til þess að hann væri klár í slaginn áður en hann fór á tökustað með Denzel.

"Ég hafði hitt hann einu sinni áður á viðburði fyrir nokkrum árum. Þú vilt klárlega vera með þitt á hreinu þegar þú kemur á settið. Ég held að hvaða leikari sem er, ungur sem gamall, myndi vera spenntur fyrir því leika með honum," sagði Ryan glaðbeittur.

"Hann er leikari í hæsta gæðaflokki."

Ryan er stoltur af hasarmyndinni og grínast með að áhorfendur geti misst 5 kíló bara með því að horfa á hana.

"Maður gerir alls kyns æfingar til að fullvissa sig um að stórar stjörnur fái ekki glóðarauga en augljóslega hjálpa þessar æfingar ekki," sagði Ryan.

"Það tekur þrjá daga að gera fimm mínútna slagsmálaatriði og eftir það ertu meira og minna allur blár og marinn."