Þessi myndarlega slanga er ekki sú hin sama sem leyndist í sænsku buxnapressunni. En glæsileg er hún. mbl.is

Konu nokkurri, sem dvalist á Scandic-hótelinu í Örnsköldsvik í Svíþjóð ásamt hundi sínum, þótti einkennilegt hversu áhugasamur seppi var um buxnapressu sem var í herberginu. Konan hélt að belti væri fast í pressunni, en þegar hún aðgætti það nánar leyndist þar eins metra löng sprelllifandi slanga.

Þetta gerðist á þriðjudagskvöldið.

Konan kallaði þegar á aðstoð starfsfólks hótelsins, sem kvaddi til lögreglu. Innan tíðar tókst að handsama slönguna.

Frétt Dagens Nyheter