Ian Anderson, forsprakki Jethro Tull.

Miðar á tónleika hljómsveitarinnar Jethro Tull með Ian Anderson í fararbroddi í Hörpu hinn 21. júní næstkomandi seldust upp á  sjö mínútum en miðasala hófst á hádegi í dag.

Því hefur verið samið um að sveitin haldi aukatónleika daginn eftir, 22. júní, og hefst sala á þá kl. 14 í dag í Hörpu og á midi.is, samkvæmt tilkynningu.

Jethro Tull hefur nokkrum sinnum áður komið fram á tónleikum á Íslandi. Thick as a Brick kom út 1972 og fagnar Jethro Tull 40 ára útgáfuafmæli plötunnar með tónleikaferð á þessu ári.