Merki Vermont ríkis í Bandaríkjunum

Fangar í Vermont, sem framleiða meðal annars bílnúmeraplötur, gerðu lögreglunni í Vermont ljótan grikk þegar þeir breyttu merki ríkisins. Í stað þess að kýr sé á merkinu var búið að setja svín inn á það.

Hrekkurinn uppgötvaðist nýverið en þá var búið að setja merkinguna á þrjátíu lögreglubifreiðir í Vermont.

Á vef Burlington Free Press kemur fram að bandarískir mótmælendur hefi uppnefnt lögreglumenn svín á sjöunda áratug síðustu aldar.

Rannsókn lögreglunnar hefur leitt í ljóst að fangarnir höfðu breytt tölvumynd sem þeir fengu til umráða og virðist enginn hafa gert sér grein fyrir þessu fyrr en í gær. 

Þrátt fyrir að ýmsum sé skemmt vegna þessa er yfirmaður lögreglunnar ekki hrifinn af uppátæki fanganna enda bitnar kostnaðurinn við að breyta bílnúmeraplötunum á skattgreiðendum í ríkinu.