Susan Boyle varð fræg á einni nóttu. SCANPIX DENMARK

Þegar skoska söngkonan Susan Boyle steig á sviðið í keppninni Britain's Got Talent vorið 2009 hefur tæpast hvarflað að henni að hún myndi vinna keppnina og verða heimsfræg. Telja má víst að hún hefði aldrei trúað því þá að hún ætti aukinheldur eftir að syngja fyrir sjálfa Bretadrottningu en Boyle hefur nú boðist að koma fram við hátíðahöld í tilefni af 60 ára setu drottningar á valdastóli.

Elísabet var krýnd drottning yfir Bretlandi 6. febrúar 1952 og verður afmælisins minnst þar í landi með ýmsum hætti. Boyle mun koma fram á hestasýningunni víðfrægu Royal Windsor Horse Show í byrjun maí en sýningin er stærsta sinnar tegundar á Bretlandi og hefur verið haldin í 65 ár. Boyle er að vonum spennt yfir þessu konunglega tækifæri sem sjóvarpsáhorfendur um allan heim geta fylgst með heima í stofu, að því er haft er eftir heimildamanni Sun.

Margt hefur breyst frá því að Susan Boyle steig á svið í keppninni Britain´s Got Talent vorið 2009.