FBI lögregluskjöldur.

Kona í Fitchburg í Massachusetts og þriggja ára gömul dóttir hennar fengu áfall þegar keðjusög var skyndilega beitt á hurð að íbúð þeirra. Stjarfar af skelfingu horfðu þær á gjörninginn.

Þegar hurðin féll var hrópað: „Leggist á gólfið, þetta er alríkislögreglan.“ Mæðgurnar létu ekki segja sér það tvisvar. „Þið farið íbúðavillt, þið farið íbúðavillt,“ hrópaði aumingja konan en var svarað með starandi byssuhlaupi.

Eftir japl, jaml og fuður gerði alríkislögreglan (FBI) sér hins vegar grein fyrir því að konan hafði á réttu að standa, meintur fíkniefnasali bjó í næstu íbúð í stigaganginum.

FBI hefur beðið mæðgurnar velvirðingar og greitt fyrir skemmdirnar.