Vilhjálmur Bretaprins er nú kominn til Falklandseyja út af strönd Argentínu en þar verður hann næstu sex vikurnar ásamt félögum sínum í áhöfn björgunarþyrlu á vegum breska flughersins.

Stjórnvöld í Argentínu hafa sagt að koma prinsins til eyjanna sé ögrun við þau en Bretar og Argentínumenn hafa deilt lengi um yfirráðin yfir þeim.

Myndbandið hér að ofan sýnir Vilhjálm þar sem hann hugar að björgunarþyrlu sinni á Falklandseyjum áður en hann fer í loftið.