Daniel Radcliffe. LUCAS JACKSON

Daniel Radcliffe, aðalstjarnan úr myndunum um Harry Potter, er ánægður með nýju kærustuna en segir hana grunlausa um hvað bíði hennar. Hann sé erfiður og oft ekki nógu tillitssamur, tali of mikið, gangi illa um og fái ákveðna hluti gjörsamlega á heilann.

Leikarinn á í sambandi við Rosie Coker en hún starfar við kvikmyndaframleiðslu. Í viðtali við breska dagblaðið Daily Mirror opnar Radcliffe sig um ástamálin. „Rosie er yndisleg manneskja en alltof góð fyrir mig,“ segir hann. „Hún hefur þolinmæði til að hlusta á mig þegar ég get ekki hætt að tala og elskar hvað ég get stundum verið skrítinn. Henni finnst það bara krúttlegt, ég býst við að það sé merki um ást.“

Radcliffe er nú á kynningarferðalagi vegna nýjustu myndar sinnar, spennumyndarinnar The Woman in Black. Hann sér fram á að vera að heiman á Valentínusardag en ætlar að bæta kærustunni það upp síðar.