Madonna er reið út í bresku poppstjörnuna M.I.A. sem sýndi áhorfendum óvænt fingurinn í hálfleik Super Bowl, lokaleik NLF-deildarinnar í ameríska fótboltanum sem fram fór á sunnudag. M.I.A. kom fram með stórstjörnunni ásamt Nicki Minaj og tókst söngkonunni óvænt að stela senunni, Madonnu til mikillar gremju.

Uppátæki M.I.A. hefur mælst afar illa fyrir, svo sem meðal íhaldssamra Bandaríkjamanna, og tókst henni að ganga fram af Madonnu sem kallar nú ekki allt ömmu sína þegar kemur að sviðsframkomu. Stjórnendur Super Bowl hafa beðist afsökurnar á dónalegu og vanhugsuðu uppátæki M.I.A. og að sögn heimildamanns breska dagblaðsins Sun er Madonna öskureið út í söngkonuna.