Gói og Þröstur Leó með nýja barnasýningu
Þröstur Leó og Gói fara með aðalhlutverkin í Góa og Baunagrasinu sem frumsýnt verður á laugardaginn í Borgarleikhúsinu.
Gói og ævintýrið um Baunagrasið verður frumsýnt á litla sviðinu í Borgarleikhúsinu laugardaginn 11. febrúar. Með aðalhlutverk fara Guðjón Davíð Karlsson og Þröstur Leó Gunnarsson en þeir slógu eftirminnilega í gegn í sýningunni Eldfærunum sem sýnd var í fyrra.
Gói og Þröstur opna dyr leikhússins upp á gátt fyrir öllum landsmönnum, ungum sem öldnum, og ferðast um töfraheim ævintýranna. Á ferðalaginu nýta þeir til hins ýtrasta leik, söng og dans og bregða sér í allra kvikinda líki í anda furðusagnanna. Fyrst komu Eldfærin – nú er það Baunagrasið. Eldfærin hlutu tvær tilnefningar til Grímunnar á síðasta ári, sem áhorfendasýning ársins og barnasýning ársins. Gói og Þröstur halda nú áfram að kafa í gömlu ævintýrin og blása í þau nýju lífi á leiksviðinu. Risinn, gamla konan, fallega ríka stelpan, sjálfspilandi harpan, hænan sem verpir gulleggjum og allir þorpsbúarnir mæta til leiks á litla sviði Borgarleikhússins. Gói leikur Jóa og Þröstur sér um rest.
Guðjón Davíð Karlsson gerði leikgerðina en leikmynd og búningar eru í höndum Rannveigar Evu Karlsdóttur. Vignir Snær Vigfússon sér um tónlistina ásamt Guðjóni Davíð Karlssyni.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
