Beckham kynþokkafullur í nýrri undirfataauglýsingu H&M. PAUL HACKETT

Davíð Beckham eldroðnaði og fór hjá sér þegar hann sá skyndilega sjálfan sig á nærbuxunum í kynþokkafullri sjónvarpsauglýsingu frá H&M. Beckham fylgdist með Super Bowl, úrslitaleik NLF-deildarinnar í amerískum fótbolta, ásamt fjölskyldu og stórum vinahópi og kom fát á kappann þegar nærbuxnaauglýsingin rann yfir skjáinn.

Knattspyrnugoðið skýrði Ryan Seacrest frá þessu neyðarlega atviki í bandaríska útvarpsþættinum Z100. Sagðist hann hafa horft á úrslitaleikinn ásamt 20 öðrum, vinum og fjölskyldu, og farið í flækju þegar undirfataauglýsingin birtist í hléi.

Kvaðst Beckham vera feiminn að eðlisfari og því hefði uppákoman verið mjög óþægileg. Honum hefði ekki liðið illa í auglýsingamyndatökunum fyrir nýju undirfatalínuna sína því þá hefðu sárafáir verið viðstaddir en að sjá sjálfan sig á skjánum innan um allt þetta fólk hefði verið of mikið af því góða.