Russell Brand og Katy Perry á meðan þau voru enn hjón. DANNY MOLOSHOK

Russell Brand hefur sem kunnugt er óskað eftir skilnaði við Katy Perry og sendi frá sér síðustu pappíra þar að lútandi á þriðjudag. Skilnaðarskilmálar hans eru mjög einfaldir: Hann vill ekki krónu af auðæfum Perry.

Samkvæmt upplýsingum á vefsíðunni TMZ gerðu hjónin fyrrverandi ekki með sér hjúskaparsáttmála og því á breski uppistandarinn rétt á helmingi auðæfa Perry, eða um 20 milljónum Bandaríkjadala.

Brand hefur aftur á móti engan áhuga á peningum hennar og hefur ekki aðrar óskir en að skilnaðurinn verði átakalaus en hann mun væntanlega ganga í gegn í lok júní.