Jóakim prins og eiginkona hans hin franska Marie Cavallier. AP

Jóakim Danaprins, yngri sonur Margrétar Danadrottningar, blandast á óvæntan hátt inn í svikamál sem tengist áburði til notkunar í landbúnaði. Prinsinn mun hafa keypt áburð sem var fluttur inn á ólöglegan hátt og notað hann við landbúnað á landareign sinni.

Jóakim er með lífrænan búskap á Schackenborgarlandareign og þykir málið því hið vandræðalegasta, en þessi áburður mun vera án tilskilinnar umhverfisvottunar.

Í frétt vefsíðu danska dagblaðsins Politiken segir að sölumaður áburðarins hafi selt ólöglegan áburð fyrir um 20 milljónir danskra króna.