Arnold Schwarzenegger. Reuters

Leikararnir Arnold Schwarzenegger og Sylvester Stallone munu leiða saman hesta sína í spennumyndinni The Tomb. Þetta tilkynntu framleiðendur myndarinnar í dag.

Í The Tomb leikur Schwarzenegger tukthúslim sem freistar þess að strjúka úr rammgerðu fangelsi.  Stallone er hönnuður fangelsisins sem lendir í þeirri aðstöðu að þurfa að brjótast út úr sínu eigin fangelsi.

Myndinni verður leikstýrt af Mikael Hafstrom og hefjast tökur á henni í Louisiana í vor.