Bandaríski tónlistarmaðurinn John Grant mun halda tónleika í Háskólabíói fimmtudaginn 19. júlí nk. Miðasala hefst föstudaginn 17. febrúar á midi.is.

John Grant er Íslendingum ekki ókunnur en hann hélt tónleika á Iceland Airwaves-tónlistarhátíðinni í haust og tók í framhaldinu ástfóstri við land og þjóð.

Hann hefur m.a. dvalið hér við upptökur sl. vikur auk þess hann kom fram á tónleikum í Edrúhöllinni í síðasta mánuði. 

Hljómplata hans The Queen of Denmark vakti mikla athygli og var ofarlega í ársuppgjörum ársins 2010, m.a. besta platan hjá tónlistartímaritinu MOJO.

Myndband með John Grant á YouTube