Meðlimir í rétttrúnaðarkirkjunni í Búlgaríu tilbiðja í dag dýrlinginn Haralambos, verndara býflugna. Biður fólk dýrlinginn að vernda heimili sín og aflétta frosthörkunum í landinu.

Margir komu saman í kirkjum í dag til að biðja Haralambos um aðstoð en frosthörkurnar í landinu hafa haft mikil áhrif á býflugnaræktina eins og svo margt annað.

Býflugnabændur voru því meðal þeirra sem komu til kirkju í dag og kveiktu á kertum og færðu dýrlingnum krukkur með hunangi. Í Búlgaríu telja margir að hunang hafi lækningamátt.

Búflugnabændur búast við miklum afföllum í býflugnastofninum í vetur.