Verkís verkfræðistofa fagnar 80 ára afmæli á árinu og lýsir af því tilefni upp starfsstöðvar sínar á nýjan hátt.  Leikurinn hófst í Reykjavík í gær en þá varð framhliðin á Suðurlandsbraut 4 að svokölluðum „tómum striga listarinnar“ þar sem listamenn sýndu Pixel Art-verk og notuðu til þess lýsingu í gluggum.

Í kvöld tekur við lýsing sem framkallar ýmiss konar áhrif og mun lifa áfram í skammdeginu fram á vor.

„Með þessu viljum við sýna fram á að þó að Verkís sé orðið 80 ára þá erum við hágæða þekkingarfyrirtæki sem er í góðum tengslum við þróun og tækninýjungar á öllum sviðum. Þetta sýnir einnig fram á að hægt er að tengja saman verkfræðiþekkingu, tækni og list, “ segir Sveinn Ingi Ólafsson, framkvæmdastjóri Verkís.

Einnig var kveikt á nýstárlegum„Aphrodite“-lampa á gafli Ármúla 6 en þeir eru þeir fyrstu sinnar tegundar á Íslandi og reyndar tvö fyrstu eintökin sem til eru í heiminum, segir í fréttatilkynningu.