Breski tónlistarmaðurinn Paul McCartney var heiðraður í Los Angeles í gær. Bítillinn fyrrverandi hefur nú bæst í hóp þeirra listamanna sem hafa fengið stjörnu í Frægðargötunni í Hollywood.

Mörg hundruð æstir aðdáendur fylgdust grannt með þegar McCartney svipti hulunni af stjörnunni við Hollywood Boulevard.

Athygli vekur að hann er fjórði og síðasti Bítillinn sem er heiðraður með þessum hætti. Þeir John Lennon, George Harrison og Ringo Starr hafa allir fengið stjörnu sem prýðir göngugötuna frægu.