Vivien Leigh og Clark Gable í hlutverkum sínum í Á hverfanda hveli.

Talið er að munir úr kvikmyndinni Á hverfanda hveli, Gone With the Wind, hafi orðið eldi að bráð í fyrrinótt. Munirnir voru geymdir í safninu Vegurinn til Töru í Atlanta í Bandaríkjunum.

Eldur kom upp í safninu í nótt og óttast forstöðumaðurinn að mikið af mununum sem tengjast hinni ástsælu kvikmynd hafi eyðilagst af völdum elds, reyks eða vatns.

Kvikmyndin Á hverfanda hveli var frumsýnd árið 1939 og skartaði leikurunum Vivien Leigh og Clark Gable í aðalhlutverkum. Myndin er byggð á sögu Margaret Mitchell.