Nicki Minaj

Nicki Minaj býr yfir mikilli „auðmýkt“ þrátt fyrir að vera stórstjarna, segir Laurieann Gibson.

Gibson, sem er danshöfundur, vann með Minaj fyrir atriði þeirrar síðarnefndu á Grammy-verðlaunahátíðinni síðasta sunnudag. Þar flutti söngkonan fimm mínútna útgáfu af lögum sínum Roman‘s Revenge og Roman Holiday sem eru bæði að finna á plötu hennar Pink Friday: Roman Reloaded.

„Ég á auðvelt með að tengja við ástríðuna, þakklætið og auðýktina sem Minaj býr yfir,“ sagði danshöfundurinn við MTV News. „Sem lagahöfundur er Minaj einstaklega hæfileikarík, bæði þegar litið er á lög hennar og texta og það heillar mig. Hlutirnir eiga bara eftir að verða stærri og bjartari hjá henni og ég hlakka til að fá að taka þátt í því með henni.“

„Hún er svo full af lífi. Hún er svo skemmtileg. Hún fær mig til að hlæja,“ segir Gibson.

„Tíminn með henni og öllum listamönnunum sem tóku þátt í atriðinu var æðislegur. Það er svo yndislegt að taka þátt í svona atriði þegar allir sem taka þátt einfaldlega skína vegna þess að þau elska svo mikið það sem þau eru að gera. Hún er rapp-listakona og það er frábært að kona geti tekið þátt í samkeppninni á þeim stóra markaði.“