Óléttubumban náði ekki að redda Jessicu Simpson mat eins fljótt og hún vonaðist til. MARIO ANZUONI

Jessica Simspon vonaðist eftir að fólk sýndi sér meðaumkun fyrir að vera ólétt þegar hún var á veitingastað á dögunum.

Stjarnan kasólétta var að sögn glorsoltin þegar hún mætti á vinsælan mexíkanskan veitingastað í Santa Barbara á dögunum. Þegar hún mætti og uppgötvaði hve löng biðröð var á staðnum gekk hún í að athuga hvort það væri möguleiki fyrir hana að fá fljótari afgreiðslu en aðrir.

„Röðin er alltaf út á götu á þessum stað,“ sagði heimilidamaður í samtali við Star-tímaritið. „Jessica var greinilega of svöng til að bíða í röð eins og aðrir svo hún reyndi að labba fram fyrir röðina og athuga hvort einhver myndi sýna sér meðaumkun.“ Óléttan hjálpaði stjörnunni þó ekki í þetta sinn.

„Því miður fyrir hana varð allt vitlaust í röðinni og annað svangt fólk byrjaði að góla á hana,“ útskýrði heimildamaðurinn. „Þetta var mjög neyðarlegt. Að lokum fór Jessica aftast en endaði síðan á að fara á Taco Bell hinum megin við götuna.“