Mohammed konungur Marokkó. AP

Stjórnvöld í Marokkó hafa bannað dreifingu á fimmtudagsblaði spænska blaðsins El Pais í landinu vegna þess að þar er birt skopteikning af konungi landsins.

Bannið var ákveðið með vísun til siðareglna blaða, að því er talsmaður upplýsingaráðuneytisins segir. Teikningunni sé ætlað að útbreiða óhróður um kónginn og vega að honum persónulega.

Fram að þessu hafa stjórnvöld í Marokkó eingöngu bannað teikningar af Múhameð spámanni.