Veröld/Fólk | Veraldarfréttir | mbl | 19.2.2012 | 10:43 | Uppfært 12:10

Með fimm hreindýr í Subaru

Vegaeftirlitið tók þessa mynd af hreindýrunum.

Vegaeftirlitsmenn ráku upp stór augu þegar þeir stöðvuðu Subaru Forester-bíl í Finnmörk í vikunni. Inni í bílnum voru fimm hreindýr.

Ökumaðurinn var að flytja hreindýrin um 100 kílómetra leið. Hann hafði áður en hann lagði af stað leitað sér upplýsinga um hvort einhverjar reglur kvæðu á um að hann mætti ekki flytja dýrin með þessum hætti. Hann fékk það svar að þetta væri ekki ólöglegt.

Þeir sem stöðvuðu bílinn tóku mynd af hreindýrunum en leyfðu manninum síðan að halda áfram ferð sinni.

Veröld/Fólk, Veraldarfréttir — Fleiri fréttir

Ostar urðu skjálfta að bráð

Í gær, 16:04 Gríðarlegt magn af parmesan- og Grana Padano-osti eyðilagðist í jarðskjálftunum á Ítalíu í nótt. Er tjónið metið á um 250 milljónir evra, 40,7 milljarða króna. Meira

Steed Lord og smábíll

18.5. Svala Björgvinsdóttir og félagar hennar í hljómsveitinni Steed Lord koma fram í auglýsingu fyrir smábíl fyrirtækisins Smart sem sænski fataframleiðandinn WeSC sá um hönnun á. Meira

Tileinka forsetafrúnni 1.400 ára ólífutré

18.5. Ítalir hafa tileinkað Michelle Obama, forsetafrú Bandaríkjanna, 1.400 ára ólífutré sem er þekkt undir nafninu Drottningin. Ástæða þessa heiðurs er sögð ástríða Obama fyrir bættri heilsu fólks. Meira

Sýnir í Winchester

Frá afhendingu styrksins úr Listasjóði Ólafar í fyrradag. Edda Heiðrún er fyrir miðju.

18.5. Edda Heiðrún Backman mun taka þátt í viðamikilli, alþjóðlegri sýningu í Winchester á Englandi í byrjun ágúst þar sem sýnd verða verk eftir hreyfihamlaða listamenn sem mála verk sín með því að halda pensli í munni eða milli táa. Meira