Bríet Ósk Kristjánsdóttir í hjólastólnum

Bríet Ósk Kristjánsdóttir, sem leikur eitt aðalhlutverkið í sýningu Verzlunarskóla Íslands, Bugsy Malone, varð fyrir því óhappi að fótbrotna daginn fyrir frumsýningu.

Um 140 nemendur Verzlunarskóla Íslands hafa síðan í lok september undirbúið uppsetningu Bugsy Malone og æft stíft undanfarna fjóra mánuði.

Allt lék í lyndi og virtist allt ætla að smella saman á lokadögunum þegar Bríet Ósk Kristjánsdóttir, sem leikur Siggu sækó (Dandy Dan), fótbrotnaði.

Samkvæmt upplýsingum frá aðstandendum sýningarinnar var of seint að útvega nýjan leikara þannig að Gunnar Helgason, leikstjóri sýningarinnar, brá á það ráð að láta Bríeti Ósk leika í hjólastól.

Bríet Ósk Kristjánsdóttir Af vef sýningarinnar

Verkið var frumsýnt hinn 1. febrúar og samkvæmt upplýsingum frá leikurum tók hún sig svo vel út í stólnum að Gunnar ákvað að því yrði ekki breytt og hefur hún leikið í stólnum síðan, þó svo hann sé orðinn mesti óþarfi.