Frá Músíktilraunum.

Skráning er hafin í tónlistarkeppnina Músíktilraunir 2012 sem fara fram í Austurbæ dagana 23.-31. mars næstkomandi. Músíktilraunir eru opnar fyrir alla á aldrinum 13-25 ára.

Hægt er að skrá sig til leiks  á skráningarsíðu Músíktilrauna 2012. Skráningarsíðan verður opin í tvær vikur eða frá 20. febrúar til 5. mars.

Oft er talað um að Músíktilraunir hafi verið stökkpallur fyrir ungar og óreyndar hljómsveitir út í hinn „harða tónlistarbransa“. Hljómsveitir á borð við Kolrössu Krókríðandi, Botnleðju, Maus, Mínus, Jakobínarínu, Agent Fresco og nú Of Monsters and Men eru ágætis vitnisburður um að ýmis ævintýri taka við að loknum tilraununum.

Margskonar verðlaun eru í boði frá eftirtöldum aðilum: Icelandair, Tónastöðinni, Sundlauginni, 12 tónum, Island Studios, Studio Ljónshjarta, Hljóðfærahúsinu, Gogoyoko, Möller Records, Smekkleysu og Forlaginu.

Nánari upplýsingar á www.musiktilraunir.is.