Casper Smart, kærasti Jennifer Lopez, er harðákveðinn í að láta sambandið við stórstjörnuna endast. Hann er tilbúinn að leggja allt á sig til að halda í Lopez og setur hana því alltaf í fyrsta sætið.

Lopez skildi við Marc Anthony á síðasta ári en ekki leið á löngu þar til hún var byrjuð með dansaranum Smart. Ástarsambandið hefur vakið athygli, ekki síst fyrir þær sakir að Smart er aðeins 24 ára gamall.

Nánir vinir söngkonunnar telja að henni sé full alvara með sambandinu og samkvæmt heimildamanni blaðsins Chicago Sun-Times er sömu sögu að segja um Smart. Hann dýrkar Lopez og ber hana á höndum sér.