„Ég veit ekki hvers vegna þeir kalla þetta morgunógleði, þeir ættu að kalla þetta allan-daginn-og-alla-nóttina-ógleði. Þetta er langt og leiðinlegt ferli en hún er á réttri leið. Henni finnst eins og þetta eigi eftir að vara endalaust.“

Þetta er haft eftir Vilhjálmi Bretaprins á fréttavef breska dagblaðsins Daily Telegraph í kvöld en þar segir að þetta sé í fyrsta sinn sem hann tjáir sig um meðgöngu eiginkonu sinnar, Katrínar hertogaynju af Cambridge.

Vilhjálmur var þarna að ræða við Michael O'Higgins, fyrrverandi formann góðgerðarsamtakanna Centerpoint, og gerði hann góðlátlegt grín að óheppilegu nafni á veikindum Katrínar.

Prinsinn var í kvöld staddur sem heiðursgestur á söfnunarátaki fyrir Centerpoint en þau hjálpa heimilislausu fólki. Vilhjálmur er ennfremur verndari samtakanna.

Tengdar fréttir

Kóngafólk í fjölmiðlum

Í fyrstu heimsókn eftir krabbameinsgreiningu Katrínar

• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi

» Fleiri tengdar fréttir

• Blogga um frétt