Sænsk kona fann giftingahring á gulrót í garði sínum 18 árum eftir að hún hafði týnt hringnum. Konan sem heitir Lena Paahlsson hafði fyrir löngu gefið upp alla von um að finna hringinn sem hún hannaði sjálf.
Hringurinn er úr hvítagulli og á honum eru sjö litlir demantar. Týndist hann að sögn Lenu árið 1995 þegar hún var að baka með dóttur sinni. Var sem jörðin hefði gleypt hringinn á sínum tíma að sögn hennar. Telur hún hringinn hafa dottið ofan í vask og þaðan hafi hann borist út í garð þar sem hann fannst þegar hún tók upp gulræturnar.
Hringurinn passar ekki á fingur hennar lengur. Ætlar hún að fara með hann til gullsmiðs til þess að láta stækka hann.
BBC segir frá.