„Er ekki geðveiki í öllum ættum?“

Leikararnir fjórir sem fara með burðarhlutverk í Englum alheimsins sem Þjóðleikhúsið sýnir í næsta mánuði segja æfingaferlið geggjað ferðalag. Þeir segjast ekki aðeins vera fást við bók heldur einnig ákveðinn heim, hinn flókna heim geðveikinnar sem allir kannast við í einhverri mynd.

„Er ekki geðveiki í öllum ættum?“ segir Snorri Engilbertsson en ásamt honum leika í sýningunni Atli Rafn Sigurðsson, Jóhannes Haukur Jóhannesson og Ólafur Egill Egilsson. „Jú, Kleppur er víða,“ segir Atli Rafn og bregst við orðum Snorra. „Þetta eru þræðir sem liggja ansi víða og hafa heillað manninn í gegnum tíðina. Heimur geðveikinnar er í senn mjög ljótur og fagur. Margir snillingar mannkynssögunnar hafa verið haldnir einhvers konar geðsjúkdómum.“

Rætt er við leikarana fjóra í sunnudagsblaði Morgunblaðsins sem dreift er með Morgunblaðinu í fyrramálið.