Leikarinn Matt Damon lenti á Keflavíkurflugvelli rétt fyrir sjö í morgun en hann var farþegi með Icelandair-vél sem kom frá Seattle. Með honum í för var aðstoðarmaður hans og sátu þeir á Saga Class eins og rokkstjörnum sæmir.
Damon er hingað kominn til þess að fara með aðalhlutverkið í kvikmynd Chistopher Nolan, Interstellar. Tökur á myndinni fara fram á suðursvæði Vatnajökulsþjóðgarðs og hefur mbl.is heimildir fyrir því að hann sé kominn austur á tökustað.
Meðleikkona hans, Anne Hathaway, kom til landsins frá New York á mánudagskvöld. Auk þeirra fer Matthew McConaughey með aðalhlutverk í myndinni.