Kvikmyndin Everest sem Baltasar Kormákur leikstýrir verður frumsýnd þann 18. september 2015 en það er sjö mánuðum síðar en til stóð en samkvæmt fyrri áætlunum átti að frumsýna myndina þann 27. febrúar 2015.
Í frétt Hollywood Reporter kemur fram að gerð myndarinnar taki heldur lengri tíma en að klífa tindinn, þann hæsta í heimi. Meðal leikara í myndinni eru þeir Jason Clarke, Josh Brolin, John Hawkes og Jake Gyllenhaal.
Skýringin á því að frumsýningartíma myndarinnar var breytt er sú að í lok febrúar verða myndir með þekktum leikurum eins og Ryan Reynolds og Will Smith frumsýndar.