Skar getnaðarliminn af í sjálfsvígstilraun

Rapparinn Andre Johnson, sem meðal annars hefur unnið hefur með rapphljómsveitinni Wu-Tang-Clan fannst liggjandi á gagnstétt í Hollywood í gær eftir að hafa reynt að taka eigið líf með því að skera af sér getnaðarlim sinn og stökkva fram af annarri hæð í húsinu þar sem hann dvaldist. 

Johnson, sem ber sviðsnafnið Christ Bearer, lifði fallið af og liggur nú á spítala. Starfsfólk spítalans hefur lítið viljað gefa upp um líðan hans, en hefur þó staðfest að tilraunir til þess að græða getnaðarlim hans aftur á hann, mistókust. Johnson er nú meðlimur hljómsveitarinnar Northstar og voru hljómsveitarfélagar hans með honum þegar sjálfsvígstilraunin átti sér stað. Þeir segja hann ekki hafa neytt sterkra eiturlyfja sem gætu orsakað atvikið. Hann hafi allt í einu staðið upp, skorið af sér getnaðarliminn og stokkið, á meðan félagar hans störðu á án þess að átta sig á því sem var að gerast. 

• Blogga um frétt