Veröld/Fólk | mbl | 19.4.2014 | 23:22

Jeff Dunham vakti lukku í Hörpu

Mynd 1 af 4 Jeff Dunham byggir uppistand sitt á búktali og eru brúður hans allir eftirminnilegir persónuleikar með undarlegar skoðanir. Þessi steig á svið með Dunham í Hörpu í kvöld. mbl.is/Þórður Arnar Þórðarson

Mynd 2 af 4 Fjölmenni sótti uppistand Dunhams í Eldborgarsal Hörpu í kvöld. mbl.is/Þórður Arnar Þórðarson

Mynd 3 af 4 Þegar hann kom hér síðast seldist upp allur varningur sem var til sölu í anddyrinu og var því ýmis varningur tengdur Dunham til sölu í Hörpu í dag, bæði fyrir og eftir sýningu. mbl.is/Þórður Arnar Þórðarson

Mynd 4 af 4 Mikið var hlegið í Hörpu í kvöld þegar Jeff Dunham tróð upp. mbl.is/Þórður Arnar Þórðarson

Bandaríski grínistinn og búktalarinn Jeff Dunham tróð upp fyrir fullum Eldborgarsal í Hörpu í kvöld.

Dunham ferðast nú um heiminn og tekur upp efni fyrir heimildamynd um starf grínistans. Hann vill að Ísland verði hluti af þessu verkefni og óskaði því sérstaklega eftir því að snúa aftur til Íslands um páskana.

Dunham er meðal vinsælustu grínista Bandaríkjanna og einn áhrifamseti skemmtikraftur Vesturlanda, að mati tímaritsins Forbes. Aðeins eru liðnir nokkrir mánuðir síðan hann kom hér síðast, því hann fyllti Laugardalshöll tvisvar með uppistandi í september 2013.

Í kvöld steig Dunham á svið með fullt af nýju efni í Hörpu og var sumt af því sérmiðað af efni. Er því líklega óhætt að segja að hann sé orðinn sannkallaður Íslandsvinur.