Íslendingar eru að gera það gott í Berlín. Í dag opnar sýningin „Plastic Poetics“ eða „Ljóðrænt Plast“ í listamannarekna rýminu Salon Mutlu í Berlín.
Níu listamenn, þar af sjö Íslendingar standa að sýningunni í Salon Mutlu, sem hefur á skömmum tíma skapað sér sess í menningarlandslagi Þýskalands.
Sýningin einbeitir sér að tvíræðni afstöðu okkar gagnvart plasti.
„Ljóðrænt Plast" leitast við að gagnrýna notkun og framleiðslu plasti á sama tíma og hún upphefur miðilinn.
Sýningin mun fela í sér frauðplast skúlptúra, plast skúlptúra unna með þrívíddri prenttækni, ljósmyndaseríu sem sýnir órætt landslag með þremur sólum, innsetningu úr plasti sem myndar regnboga innan rýmisins, myndbandsverk tekið undir sjávaryfirborði Aruba, af dansandi plastpokum.
Listamennirnir íslensku sem koma að sýningunni eru þau Árni Már Erlingsson, Hrefna Hörn, Hrund Atladóttir, Gunnar Jónsson, Ingibjörg Jara, Björk Viggósdóttir og Petra Valdimarsdóttir. Þýsku listamennirnir eru Boris Fauser og Hanna Mattes.
Sýningarstjóri sýningarinnar er Hrafnhildur Gissurardóttir sem stundar nú mastersnám við Universitat der Kunste Berlin.