Leikkonan Gillian Anderson segist vera skotin í Ryan Gosling, að því er Glamour-tímaritið greinir frá.
Gillian Anderson segir að hún hefði ekkert á móti því að leika í ástarsenu á móti Ryan Gosling en hún segist oft hafa heyrt að um leið og hann gangi inn í herbergi geti fólk ekki einbeitt sér að öðru en honum.
Hin 45 ára leikkona telur Ryan Gosling hafa ákveðin áhrif á fólk sem fáir aðrir hafi. Sem dæmi um aðra sem hafa þessi áhrif nefnir hún Bradley Cooper og Tom Hardy.
Í viðtali við Glamour talaði leikkonan einnig um feminískar skoðanir sínar og sagði að samfélagið væri orðið mun flóknara en áður vegna þess að konur væru framar körlum á alla vegu.
„Ég tel það flóknasta við lífið í dag vera að menn hafa ekki enn náð okkur konunum,“ segir leikkonan.